منزل مبارك

يا مساء /صباح الأنوار

اشتقت لبيتي الحلو

من كثر ما انا مشتاقه له

نظفته من الغبار الي فيه

وخذيت الديتول ومسحت كل ركن فيه

بعد خوف من انفلونزا الخنازير المنتشره بالديره

****

خبر تاااااااازه D:

انتقلت من البنات ورحت للبنين

ادري مينونه بس ينوني حلو P:

****

السنة الأولى لي تدريس مادة الرياضيات

مع خبرتي في مادة العلوم صارت مادتين

وطبعا ما انسى الثالثة مهارات الحياة

يعني الحين انا ادرس ثلاثة مواد

مع صف اولى ابتدائي قمة في الروعه

****

سمعوا القصص الي صارت

اووبس كله انسى قصدي اقروا

القصة الأولى

التلميذ عبدالله طفل يحب يبجي طول اليوم والسبب يبي يلعب بس وما يبي يمسك شي اسمه قلم مع انه صاحب خط حلو وواضح طول الفتره الي فاتت ما عند المدرسه كلها الا عبدالله وعبدالله من كل العاملين بالمدرسه اهتمام مو طبيعي عشان يسكت اخذ اهمية مو طبيعيه انزين لي متى الاخ يلفون فيه بالمدرسه وما يحضر الا الحصص الي يبيها طبعا هالشي كلش ما عجبني وتصرفت معاه بأسلوبي

الاخصائية النفسيه يابته عند الباب وقاعده تكلمه واهو يبي يدش الحصه السادسه يعني جم بقى ع الهده جان اطلع وقلت له انت ماتدش الصف طبعا الاخصائية بالأول ما عجبها الحجي وقالت لي ابلة سوان انتي كسرتي كل شي سويته رديت عليها لا انا عندي قانون ولازم يمشي عليه وياليت عبدالله وامه ييون لي بالهده وصار هالشي وقلت له منو بالصف طبعا رد محد قلت له انت تبي امك وتبجي كل يوم تبيها فإقعد معاها بالصف كل يوم بالهده وانت تحضر بس بالهده ولا تنسى حل الواجبات الي طافتك ومتى ما خلصت اطلع او انك تحضر مع التلاميذ من الصبح وتستانس مع ربعك طبعا بالاول عصب واخذ الكتب وحذفها جان اطلع من الصف ولا جني شفته واليوم داوم من الصبح واتوقع انه الطريقه الجديه نفعت معاه

القصه الثانية تحكى عن تلميذ يسمى عبدالمحسن لو اقول ماخذ قلبي شويه بس راح اتكلم عنه بعدين لانه بروحه يبيله بوست كامل يدوب يوفي عليه من كثر قصصه

اخليكم مع صفي الي اقعد فيه طول اليوم وخذى من وقتي اسبوع عشان يجهز بالشكل الي تشوفونه

طبعا طريقتنا بالمدرسة تختلف اختلاف عن المدارس العادية لانه النظام نظام معلم صف مثل الروضه